أسئله ترفع الضغط وتضحك نفس الوقت
بسم الله الرحمن الرحيم
السلام عليكم ورحمة الله وبركاته
أسئله ترفع الضغط بصراحة والي يجاوبون عليها يرفعون الضغط اكثر كثير نشوف الي يسالوها في حياتنا اليومية
مثلا :-
انت الحين بغرفتك منسدح بفراشك ومطفي الليت (النور) فجأه يدش عليك
اخوك\اختك ويفتح الباب ويقولك بتنام ؟!! (لا برقص - اكيد بنام !!)
---------
انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
الصراحه سؤال خطير !!
----------
انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
(هاا قاعد تدرس !! (لا قاعد اكل !! يعني ماسك الكتاب شسوي اكيد ادرس
-----------
انت الحين بالكافيه صدفه شفت واحد من الربع او الاهل .. قالك هاا شتسوي هني !!
(ابيع لبان) !! لا تعليق
--------------------
انت الحين وصلت وجالس مع الربع او الاهل واحد منهم يقوم يقولك اتوصلتو ؟ والله توصلتو
(لا بعدني بالطريق عيل شو اسوي جدامك)
-------------------------------
لا وتعالو شوفو قنواتنا العجيبه اهما واسئلتهم !!
مثلا بالعيد بيقابلون واحد من الناس شوفو الحوار :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- شنو تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا يقولك : منه المال ومنها العيال))
يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلو اليهال (الاطفال) , , ,
يقول المذيع للياهل :- أنت تحب ماما وبابا ! ! !
(( لا احبك)) سؤال غبي الصراحه !!
----------------
برنامج مسابقات على الهوا :-
المتصل :- الوو السلام عليكم
المذيع :- وعليكم السلام هلا وغلا
المتصل:- ممكن اشارك
(يعني انت داق علشان تشارك ليش تستأذن !! من زوود الذرابه؟
_________________
رمضأأن كريمــ "
كل عأأمـ وانتوا بخير
متباركين بالشهـر وصيام مقبول انشـاء الله[/size]
